गोगलगायींवर उपचार

साधारणता:  पावसाळ्यात किंवा जिथे जमीनीत सतत ओल असेल तीथे गोगलगायींचा प्रादुर्भाव मोठ्या प्रमाणावर आढळतो. यांचे बरेच प्रकार आहेत , पण सर्वांपासून पिकांना त्रास होतो. याचा बंदोबस्त बर्याच प्रकारांनी करता येतो , पण आपण केवळ सेंद्रिय पद्धतीचा वापर करणार आहोत .

SNAILS & SLUGS

*उपचार*

शकतो गोगलगायी संध्याकाळी - रात्री बाहेर पडतात.

१)  गोगलगायी हाताने पकडून बादलीत गोळा कराव्यात. २) फाटलेले  गोणपाट -  बारदाण  एकरी १५ - २० नग पाण्यात भिजवून पिका मधल्या मोकळ्या जागेत जमीनीवर पसरून ठेवावेत. गोगलगायी त्यांच्या खाली जमा होतात , सकाळी वेचून बादलीत गोळा कराव्यात. ३) ओल्या , सुक्या  गवताचे लहान लहान ढिग मोकळ्या जमीनीवर  जमा करावेत व त्यावर पाणी शिंपडून ओले करावेत. सकाळी गवत हटवल्यावर त्याखाली बर्याच गोगलगायी मिळतील , वेचून बादलीत गोळा कराव्यात. ४) अंड्यांच्या टरफलांचा चुरा करून झाडांच्या बुंध्याशी पसरावा.  गोगलगायीचे कवच टणक असले तरी खालून त्यांचं अंग फार मऊ व नाजूक असते , अंड्यांच्या टरफलांच्या तुकड्यां वरून चालताना त्यांना खोलवर जखमा होऊन त्या मरतात. ५)  तंबाखूची बारीक भुकटी कपड्यात बांधून धुरळणी करावी. ( तंबाखूची भुकटी आपल्या शरीराला आपयकारक असल्याने याचा  वापर टाळावा  )  ६) ३% व्हिनेगर ( अॅपल सिडार )ची फवारणी जमीनीवर केल्यास त्या मरतात. ७) तसेच एप्सम साॅल्टची (रासायनिक आहे ) धुरळणी केल्यास त्या मरतात . ८) २ किलो लसूण  मिक्सरमधून चांगला  वाटून त्यात २ किलो  काॅफी पावडर  शंभर लिटर पाण्यात दिवसभर भिजवून  वस्त्रगाळ करून संध्याकाळी जमीनीवर , झाडांवर फवारणी करावी , दर दोन दिवसांनी फवारणी चारदा केल्यास परत गोगलगायी येत नाहीत.  9)सर्वोत्तम उपाय म्हणजे: अ) एक बादलीत गुळाचे पाणी तयार  ठेवावे, ब) जमीनीवर एकरी १५-२० ठिकाणी  अंड्यांच्या टरफलांचा चुरा ठेवावा त्यावर थोडे ओल्या गवताचा ढिग ठेवून त्यावर व त्याच्या आसपास गुळाचे पाणी शिंपडावे , वर ओले बारदाण /पोते झाकावे . सकाळी मोठ्या प्रमाणावर गोगलगायी सापडतात त्यात बर्याच खरचटू मेलेल्या असतात . सर्व गोळा करून बादलीत भराव्यात. या बादल्या पाण्याने भरून त्यात पाव किलो साबणाची पावडर मिसळावी , काही वेळातच त्या मरतात. या व्यतिरीक्त सापळे लावून त्यात बिअर , यीस्ट पावडर + साखरेचे द्रावण देखील वापरले जाते.

SNAILS  & SLUGS

 गोगलगायींवर उपचार